បង្កើន​ល្បឿន YouTube លើ iPhone, iPad, iPod touch ជា​មួយនឹង TCP Optimizer [Cydia Tweak]

By KTOP - posted 22/05/2011 at 9:23 ព្រឹក

Youtube នៅ​លើ iPhone, iPod Touch និង iPad គឺតែង​តែ​យឺត និង​ជួនកាល​រអាក់​រអួល ដែល​ធ្វើ​អោយ​យើង​ពិបាក​នឹង​មើល​វិដេអូ​នៅ​លើ Youtube ណាស់។ ជាមួយ​កម្មវិធី TCP Optimizer លោក​អ្នក​អាច​មើល​ Youtube បាន​លឿន​ជាង​មុន ព្រោះ​កម្មវិធីនេះ​កែប្រែ setting មួយចំនួន​នៅ​ក្នុង​ប្រព័ន្ធ​ iOS ដើម្បី​ជួយ​ដល់​ការ​អូស​យក​វីដេអូ​មក​ចាក់​មើល​ក្នុង Youtube ។ លោក​អ្នក​អាច​បញ្ចូល​កម្មវិធី​នេះ​បាន​ តាម​រយៈ Cydia ដោយ​ដាក់​បញ្ចួល Source មួយឈ្មោះ​ថា http://cydia.pushfix.info/ ។ ក្រោយ​ពីបញ្ចូល source នេះ​ហើយ អ្នក​នឹង​ឃើញ​ឈ្មោះ​កម្មវិធី​នេះ​នៅ​ក្នុង​បញ្ជីរ source ដែលមាន​ឈ្មោះ​ថា TCP Optimizer ។ បន្ទាប់​មក​លោក​អ្នក​គ្រាន់​តែ​បញ្ចួល​កម្មវិធី​នេះ​ចូល​ទៅ​ក្នុង​ iPhone/iPod Touch ឬ iPad របស់​អ្នក​ជា​ការ​ស្រេច។ ចំនុច​ល្អ​មួយ​ទៀត​របស់​កម្មវិធី​នេះ គឺ​យើង​អាច​បញ្ចូល​វា​ដោយ​សេរី។
ក្រោយ​ពី​បញ្ចូល​កម្មវិធី​នេះ​ហើយ វាមិន​បង្ហាញ​ icon នៅ​លើ​អេក្រង់ទេ ព្រោះ​វា​គ្រាន់​តែ​ជា​ការ​កែរ Setting មួយ​ចំនួន​នៅ​ក្នុងប្រព័ន្ធ​តែប៉ុណ្ណោះ។ តែ​បើ​លោក​អ្នក​ចង់​លប់​កម្មវិធី​នេះ​ចោល​វិញ លោក​អ្នក​គ្រាន់​តែលប់​វា​នៅ​ក្នុង Cydia នោះ​ iPhone/iPod/iPad របស់​អ្នក​នឹង​មក​ភាព​ដើម​វិញ។
***ចំនាំ: ដើម្បីបញ្ចូល​កម្មវិធី​នេះ លោក​អ្នក​ត្រូវ Jailbreak iPhone/iPod/iPad របស់​អ្នក​សិន។